تحديث جميل
فيهم 90% من اللى عاوز اقوله هنا
بجد جملة رسالة لاشخاص كتير
فان اردت ياعزيزى .. ان تترك للمثليين حرية
وتركت للملحدين .. حريه
فدعك من المتدينين .. ربنا اولى بيهم بقى
وان اردت انتقاد المتدين ع زيادة تدينه
فلامؤاخذه انتقد المثلى ع اتجاهاته الشاذه
وانتقد الملحد .. ع برده اتجاهاته الشاذه
.. فان اردتوها حريه
فلتكن حريه ع الجمييييييييييييييييع
كلااام فى الجون
اول حاجة مقولة التدين مش فى المظهر والمهم الجوهر
مقولة غير صحيحة
ما ممكن يكون فى الجوهر والمظهر برضوا
واكيد المظهر بيدى انطباع لمقدار تدين الانسان
وملناش دعوى بالدخلاء اللى بيعملوا كده لاغراض تانى
سواء محجبة او منقبة او حتى لبسة عريان
انا معرفش اللى جواها بس مظهرها بيدينى فكرة عن مدى تدينها
واحسن انى اكون متدينة ومش محجبة
ولا متدينة ومحجبة
ايهما نصدقه واحسن كمظهر للتدين
وممكن يقنعنا بمدى تدينه
نخش فى الموضوع
انا الاسبوع اللى فات ده لقيت الحوار
ساخن على اللحية والنقاب
والهجوم عليه المباشر والغير مباشر ضيقنى
من اول بوست
واللى على راسة بطحة بيحسس عليها
وابتدى بالصورة دى
اللى كان الغرض منها هجوم على النقاب واللحية
واتقال عند ايمى بالضبط
شوفتى الصورة اللى عندى شوفتى بيسبلوا لبعض ازاى
بقه التسبيل قليت ادب دلوقتى
انا قولت احلل الصورة واشوف
ايه الفضيحة اللى فيها بالضبط
الصورة فيها واحد ملتحى بيلعب
مع اولادة الاطفال فى مياه البحر
ملحوظة مهمة
الطفلة مش محجبة
يعنى مظهر محترم للملتحى
اللى بيحب اولادة وبيديهم حبه
وايه تانى فى الصورة
واحد بلحية وواحدة منقبة ماسكها وبيسبلها وهى بتسبله
ايه بقه العيب فى ده
ماممكن يكون جوزها
وممكن يكون خطيببها
وممكن يكونوا بيحبوا بعض
انتم فاكرين المنقبة والملتحى ايه
ميعرفوش يحبوا
مش بيعرفوا يسبلوا زيكم
بيحبوا وبيسبلوا زينا بالضبط
اه صدقونى
يعنى يكونوا معقديين مش عجبكم
يكونوا زيكم مش عجبكم
شوفتى يا ايمى لما بيكونوا مش معقديين
مش بيعجبوا ناس ازاى
ويتقال عليهم بيسبلوا لبعض
عاوز حد اى مدون يقولى عيب الصورة دى ايه
احسن فهمى على اده
امال اللى بيحبوا بعض بالبكينى
ولا تحت الشجرة
ولا فى العربية
والشقق المفروشة
يبقوا ايه لما دول مش عجبنهم
ده سؤال للى مش عجبوا شكلهم وتسبلهم لبعض
اصله بنى ادم محترم وملتزم جداااا
وملهوش فى التسبيل خالص
وسؤال للى كل شوية تقولهم الصورة اللى عندى
ومش بيردوا عليها
الصورة دى فيها ايه غلط
لو فيها غلط
قولولى
مفهاش قولولها متسكتوش
مش سايبين التلقيح وشغل الحريم
ده مثل للهجوم الغير مبرر على النقاب واللحية
طيب الامثلة اللى بيجبوهم
للى بينقب بنته وهى صغيرة
واللى مرحتش فرح بنتها
واللى بتركب المترو وتقول ادعوا دعاء الركوب
واللى مش بتقول
تردحلها
وتطفشها من عربية الحريم(الستات)
طبعا محدش شاف المثل ده قبل كده
واللى فى الدرس الدينى وبتنم
الغريب
ان صاحبت المدونة بتقول انها شافت بعينها الامثلة دى
يعنى كانت معاهم فى الدرس ونمت معاهم
ولا اتفرجت عليهم وهما بينموا
بصراحة الكلام بيناقض نفسه
وبكده يبقا حطيت
امثلة ولا شافتها ولا حاجة
من تألفها واخترعها
ولا كانت فى الدرس افهم
كذبت بس علشان تدى للموضوع مصداقية اكتر
ومش معقولة يعنى كانت لبسة طقية الاخفاء
وهما فى الدرس وسمعاهم
ما علينا
نروح لجزئ هام بشوفه
اللى ينقد متديين على تدينه الزائد
ينقد اكتر المنحل على انحلاله الزائد
وميقولش دى حريته وهو حر
واللى يزعل من حد يلبس بنته وهى صغيرة الحجاب
يروح ينقد اولى اللى بيسيب بناتهم
وهما فوق العشرين باللبس الضيق
ومنقولش الوسطية فى عدم الحجاب
ناقص كمان واحدة مش بتصلى تتكلم عن الوسطية
ولا واحدة مثلا بتصاحب
واحد بيشتم فى دينها
ورسولها وبيستهزئ بقرأنها
وتتكلم عن الوسطية
احنا كده مش عاوزين الوسطية
وبنادى بيها
عاوزيين المهلبية
ولا يبقا ايه ده بالضبط
اللى عاوزه وسطية فى عرض المواضيع
يبقا تعمل ايه
زى ما بنعرض نماذج مش عجبانا فى المتدينين
نعرض برضوا نماذج كويسة منهم
واللى مش هيعرض الحلو بلاش يعرض الوحش
هى دى الوسطية اللى اقصدها فى كل شئ
وزى الزبالة اللى قالت على المنقبات كيس زبالة اسود متحرك
نفسى اعرفها
وانا كنت اقطع لسانها من لغلوغوا
ولا هى دخلت زى الجباء بأسم غير اسمها
على دفاعه عن المنقبات وموضعيته
بس يا ريت يقولى مين اللى غلطت
فيهم بالشكل الزبالة ده
تقول لانى دخلت متأخر عندها
ومش عارف مين اللى قال
مش متأكد ميين اللى قال اقصد
وده نموذج اتمنا اللى بيكتبوا
عن اخطاء المتدينين يكتبوا بردوا على
وقاحة غير المتدينين
تانى اقولها
وقاحة وقليت ادب غير المتدينين
ده للمكتموميين طبعا عارفيين نفسهم
وطبعا مش عاوز حد يزعل لانى قولت اسمه هنا
فانا اكن كل الاحترام للاخت ايمى
وبعض الاحترام للاستاذة اجندا
ولا شئ من الاحترام لقطتنا الحلوة
ودى اغنية بهديها لرئيس نفسى
محمود باشا
اصلى حقى هخده اكيد يوم
واوعى تنسا الكلمة دى
انا متأكد بأذن الله
هناك 11 تعليقًا:
اللى ينقد متديين على تدينه الزائد
ينقد اكتر المنحل على انحلاله الزائد
جمله ... م الاخر .. شابووو عليها
عزيزتى
د/اجدع بنوته
هى دى المشكلة تلاقى اللى بينقد اتجاه بيسيب الاتجاه العكسى ليه
اللى النقد فيه اهم واولى
ينقدوا التدين والانحلال يقولوا عليه حرية
ينقدوا الاخوان والحكومة ينقدوها سطر ويسيبوا سطر
ينقدوا انسان على قلة ادبه وسيبين انسان تانى سافل ومنحل لانهم بيحبوه
ينقدوا بن لادن على انه ضرب امريكا وموت 3الاف شخص وسايبين بوش اللى مات الاف الاشخاص على ايد جنوده
ينقدوا حماس ويقولوا تسقط وسابين اسرائيل اللى محتلة حماس وشعب حماس
علشان كده بقول
ينقد واحد مربى ذقنه وهو مش بيصلى
علشان كده بقول اللى يطالب بوسطية فى الدين يعمل بيها قبل ما يطالب بيها
شكرا على وجوده
نورتى
سلام
السلام عليكم
أخى الكريم أنا لم ولن أذكر اسم التى سبت المنقبات أولا لأن الكل يعلم من هى ولكن أنا احفظ لها آخر حق لمسلمة على مسلمة بعدم التشهير بها لكن هى بتدعى الشجاعة فلعلها تأتى اليك وتعلن عن نفسها وتكرر كما كررت اساءتها أكثر من مرةوهى متحدية الجميع ولأننى أخى الكريم لو كنت اريد ذكر اسمها لأعلنته فى مدونتى وهو ما لم أفعله بل حذفت اسمها من التعليقات
السباب والسخرية والاستهزاء أسهل ما يكون وطولة اللسان موهبة نملكها كلنا كمصريين لكن الفرق بيننا وبينهم اننا مسلمون نتأسى برسول الله معلم الأخلاق والأدب وهم يسيئون للاسلام بانعدام الأدب
فأنا أنصحك اخى الكريم كأخت لك الا ترد عليهم بنفس اسلوبهم من السباب والشتائم لأنها أدوات الضعيف الحجة بل استخدم معهم الأسلوب الذى لا يعرفونه من التأديب والتربية بدون سباب
وأحيانا التجاهل يكون أكثر قسوة عليهم من الرد فهذا التجاهل يميتهم كمدا وغيظا فاذا سبك أحد تجاهله أما اذا تطاولوا وأساءوا الأدب على رموز الدين أو الثوابت فهنا يجب علينا اخراسهم ولكن أيضا باسلوب مترفع عن اسلوبهم ولنسد لهم النصيحة ونعرض كما عرضت فى هذه التدوينة النماذج الصالحة فنظهر كذبهم وحقدهم وافتراءهم
ولعل الله فى يوما ما اذا اراد لهم الهداية يهتدوا
والله يغير الحال فى طرفة عين
ربنا يهديهم ويصلح حالنا جميعا
تكملة التدوينى أنزلتها ردا عليهم وعلينا فنحن مقصرون ومفرطون فى الزود عن ديننا
عزيزتى
مجداوية
موضوع عدم ذكر الاسم انتى حرة فيه والتشهير ده لو شئ خاص
لاكن دى انسانة بتقول راى ممكن حد يصدقه ويتأذى بذنوب بسببها
يعنى التشهير بيها واجب عليكى
لانقاذ ناس من افكارها
والتشهير بقه لسبب تانى
علشان اصدقئها اللى مش عجبهم التصرف ده يعرفوا مين صاحب التصرف ونشوفوا ساعتها عيقولوا ايه
بيبان صاحب الراى الحقيقى من المنافق اللى بيلعب على الحبليين
وهى تقريبا معندهاش اى شجاعة بالذات معايا عارفة انى قصاد كلمة منها عشرة
ومحدش شجاع معايا يقدر يرد عندى علشان انا كلامى بحقايق مش ظنون دايما
وهى اجبن مما الكل يتصور
وطولة لسانها مع الضعفاء بس
مع اللى زى تخش مش باسمها زى الحرامية
وانا عمرى ما رديت اساءتهم بنفس اسلوبهم
انقد اه اسخر اه اشتم لا والف لا
ولو فكرت اشتم حد هخش باسمى
والتجاهل ده لو علاقه بين اتنين لاكن فى شئ بينشر وناس بتشوفه مينتفعش تجاهل
بالذات مع انسان خبيث وبيلبس وش غير وشه وبيتلون فناس تتخدع فيه
وانا مش بهاجم حد لسبابه ليه الا لتوضيح اخلاقه للناس
وصدقينى كل يوم حد بيعرف الناس دى على حقيقتها
وموضوع الهداية ده فى علم الغيب احنا نعمل اللى نشوفه صح ونورى الناس حقيقتهم واللى بقه يتعامى او يتغابا او يستهبل
يبقا يخليه يفيده يوم العرض والحساب
ودايمن ادعى واقول
يا رب يا تهديهم يا توريهم
وروحت وشوفت وبحاول يكون تعليقى مش طويل بقدر المستطاع
نورتينى
سلاام
سبحان الله لم كل هذا الهجوم على الاسلام رغم اننا فى امس الحاجة للتمسك به حتى ننجو
أحييك على هذا النقد
وادعوك لزيارة تدوينتى "لاتتخذوهم اولياء"فقد ذكرت بها بعض الاسئلة التى تدور فى عقل الكثيرين واعتقد انها مكملة لموضوعك
عزيزتى
monaliza
سبحان الله بس مش من الهجوم على الاسلام والمتدينين لان دايمن فى هجوم على الاسلام ودايمن المتديين بيتهاجم
لاكن سبحان الله اللى بيهجموا الاسلام والمتديين نماذج مش متدينه يعنى ملهاش حق تهاجم متدين ولما تكون متدينه تهاجم المتشدد
ومينفعش اقول للناس انتم كده مزودنها شوية وانا مش بعمل اقل شئ مطلوب منى فى دينى
شكرا على كلامك
وروحت وقريت وعلقت
نورتينى
سلام
علي الرغم اني بحب الوسطية
لكن لا يمكن انتقد الاعفاء
وانا هنا اريد الحدبث عن المرأة فقط
بعيدا عن تدين الرجل
والله لبست نقاب لبست حجاب لبست اسدال
جزاها الله خيرا فقد عفت نفسها وابعدتني كرجل عن الشبهات
ول>لك فإنني اكون سعيدا جدا بأي امرأة تتعفف
وترتدي الزي الاسلامي
أما الدخول في التسبيل وخلافه
إن الله حليم ستار احنا مشبنحاسب الناس
واللي مابيغلطش فينا يحاسب الناس علي الكبيرة والصغيرة
وربنا يسترها علينا كلنا
مدونتك لذيذة جدا
دي اول مرة ومش حتكون الأخيرة
تحياتي لك
وربنا يهدي الجميع
عايزك تنصح الناس جميعا ايا كانوا بحب حتي يتمعوا لنصائحك وناقشهم بالعقل عجبتني جدا انك جبت الصورة وناقشتها
يارب نتواصل مع بعض دايما
عزيزى
afew good men
كلنا بنحب الوسطية ودييننا بيقول خير الامور الوسط
فى حد بيحب يضيقها على نفسه
واللى بيضيقها على نفسه طمعا فى ثواب بلاش بقه نغلط فيه وهو اللى بيتعب مش احنا
ونسبها تلبس اللى عوزاه ونخلينا فى نفسنا أحسن ونقرب لربنا بطريقتنا
وبقه موضوع التسبيل ده هيجننى بقه زعلانه على التسبيل كأنها جريمة كأنها عمرها ما سبلت
ملاك اصل هى من السما
وربنا يسترها علينا بجد
وكلنا بنغلط واللى يشوف بلاوى نفسه هيحس ان غيره ملاك بالنسباله
ولو هنعترض على اخطاء غيرنا لازم ما نكون اهل للاعتراض على الشئ اللى بنعترض عليه
شكرا على أطرائك على المدونة بس دى مدونة وجع القلب فى غيرهم اتنين فيهم بقه وجع قلب واحساس
ويارب ما تكنش الاخيرة احسن فى مقاطعة لمدونتى من ناس كتير
وربنا يهدى الججميع
وحياتك جربن النصيحة بالحب ملقتش حد بيفهمها دلوقتى بنصح بالسخرية من الغرائب اللى بشوفها
وتفتكر تحليلى حرك فى مخهم شئ
لا انت بتحلم ياما حللت حاجات كتير ومفهموش برضوا
اكيد هنتواصل ان شاء الله
سلام
هناك الكثيرون مع الاسف من المسلمين والمسلمات يسؤن الي الاسلام فما بالك بغير المسلمين !!!!
المسلم ليس من طال اللحيه , والمسلمه ليست من لبست الحجاب !!1
الاسلام دين عقيده وافعال واعمال .
والمسلم الحق من سلم الناس من يده ولسانه ...
عزيزتى
فراغات
اكيد فيه من المسلمين والمسلمات من اساءوا للاسلام
بس فى كل دين ناس بيسيئوا لدينهم يبقا ليه نهاجم متدين فى دين علشان ناس غيره متدينه بيسئوا للدين
انا معاكى المسلم مش من طال اللحية ومن لبست الحجاب
بس دييننا جماله انه ادانا طريقة للحياه من لبس وتعامل حتى دخول الحمام ادانا كلمات نقولها ناخد بيها ثواب
ومينفعش مثلا واحد بتلبس مينى جيب تقولى عليها متدينه
اللبس شئ من اشياء كتير تدل على تدين المسلم ومنقدرش نفصل شئ عن شئ كلها بترتبط ببعض
وانا معاكى الاخلاق مهمه جدا والتعامل مع الغير بس المظهر بالذات لو فرض على المسلم يبقا برضوا مهم ما نقللش منه
تحياتى ونورتينى
سلام
السلام عليكم ورحمة الله وبركاته ..
بجد بحييك جدااا ..
وبحترمك جدا على رأيك وردك ..
وعلى غيرتك على دينك .. وعلى الحق ..
جزاك الله كل خير..
بس لي تعليق صغير ..
الاساءة لاترد بمثلها ..
ردك رائع ومقنع ..
بس ماتخليش غضبك خيط يمسكوه عشان يردو عليك ..
فكرك بجد ارقىى من كده ..
كمان بجد اتمنى تشيل الألفاظ الخارجه اللي في المدونة ..
واضح انها مش صادرة منك ..
بس تبقى المدونة أولا وأخيرا لك ..
كل تقديري ..
إرسال تعليق