لسه الكلام عن غزه مخلصش
والقذره قطه لسه ناس بتدافع عنها
ولسه هقاطع اللى يخش عندها
انا بشوف اليومين دول هجوم على السعوديه كتير
على شيوخها وشعبها بس لما الهجوم يكون غير منطقى بزعل
لما يكون الهجوم بمعلومات غلط شئ يزعل
ومش عارف المدونين ليه مش بيتاكدوا من اى خبر ينشروه
ولما بيعلقوا ليه تعليقاتهم مش بتكون واقعيه ومنطقيه
وموضوع الاخبار الكاذبه حذرت منه فى موضوع
عن تصريح كاذب عن امام فى غزه
وفى ناس لجد دلوقتى مصححتش الخبر
وقالت عليه انه مش صحيح
بدل مش بتكلم عن الظلم اللى بيحصلهم ومكتوم
على تصريح لفرد هما ناقصين. كلام عن غزه..
مش هطول نخش فى الموضوع
انا لقيت موضوعين عند مدونتين
وهتكلم عن الموضوعين والتعليقات الغير موضوعيه باختصار
نبتدى بالمدونه الوحشة وننهى بالمدونه المحترمه
الخبر والموضوع عند القذرة قطه
خير مثال للجهل والهمجية
تعرضت عاملة اندونيسية لاغتصاب جماعي
من قبل 13 سعوديا تناوبوا الاعتداء عليها
وطبعا ختمت كلامها
هو ده المجتمع اللى عايزينه وبتسعوا انكو تكونوا زيهم
على اساس مجتمعنا ملائكه ومعندناش حوادث زى دى
وعراعير وحافيين تخلف وهمجية و...........كتير
وطبعا ختمت كلامها
هو ده المجتمع اللى عايزينه وبتسعوا انكو تكونوا زيهم
على اساس مجتمعنا ملائكه ومعندناش حوادث زى دى
وعراعير وحافيين تخلف وهمجية و...........كتير
وطبعا بعض التعليقات من عينة الكلام ده او اليفه وملهاش معنى
المهم فى الاخر المجتمع السعودى بالحادثه دى
بقه زباله ونجس ومحتاج الحرق
نقرى الخبر ده فى مصر
الإعدام لعشرة متهمين والسجن 15 سنة لصبي
خطفوا فتاة وتناوبوا الاعتداء عليه
مش فى السعوديه ده فى مصر
بالذات ان فضايحنا اكتر منها فى كل شئ
واللى بيته من ازاز ميحدفش النار بالطوب
التخلف من اللى يحصل ده فى دولة
التخلف اننا نتهم حد بالتخلف من شئ
ممكن احنا بنعمله وبنعمل حاجات اكبر منه فى بلادنا
وبلاش حد يأخد على كلام قطه القذره ويجاريها فى مواضعها
لانها لو بتفهم اولى تتكلم عن حوادث بلادها
مش تستنا اى خبر عن بلد بتكره
علشان تطلع فيها العبر
الموضوع التانى عند ايمى العزيزه
بيع يا عواد
وأبتديت الموضوع برضوا بجهل وتخلف ومرض نفسى
والموضوع بيقول عند ايمى
الحكايه ان مفتي السعوديه ..ادعولو ادعولو يعمر بيت ابوه
افتي ان الي عنده بنت وصل عمرها ل 9 سنين و لم يزوجها فهذا حرام
طبعا انا قريت الكلام ومقتنغتش بيه عرفت
ان اللى كاتب الخبر من عينة قطه عاوز يهاجم السعوديه
فدورت عن الخبر الصح ولفيت على كل اللى علقوا وورتهالهم
طبعا هتلاقوا تعليقات غريبه كلها بتهاجم المجتمع السعودى وشيوخه
المفتى قال بالضبط وقال مفتي السعودية خلال محاضرة ألقاها في
جامعة الإمام "محمد بن سعود" الإسلامية بالرياض
مؤخراً: نسمع كثيراً في وسائل الإعلام عن زواج
القاصرات، ويجب أن نعلم أن الشرع ما جاء
للمرأة.وأضاف: أن يقال أنه لا يجوز تزويج من بلغت سن
الـ15 أو دونه فهذا خطأ، فالأنثى إذا تجاوزت
العاشرة من العمر أو الـ12 فهي قابلة للزواج، ومن
يعتقد أنها صغيرة فقد أخطأ وظلمها
طبعا الفرق بين الفتوى بتاعت الاهرام واللى قاله المفتى كبير
لان فى الاولى حرم من لم يزوجها
وفى الثانية قال انها لو تعدت ال10 او 12 قابله للزواج
وده صحيح قابلية الزواج ملهاش سن
والشئ ده بيحكمه الانسان نفسه والبيئه اللى عايش فيها
والطب طبعا
المهم فى الاخر المجتمع السعودى بالحادثه دى
بقه زباله ونجس ومحتاج الحرق وشيوخه كمان
طيب يا جماعه ما تسيبوا المجتمع السعودى يحل مشاكله
ونشوف الفتوى اللى عندنا اللى برضوا اى
سعودى هيقراها هيقول تخلف وقذاره وزباله
جمال البنا يجيز تطليق أحدي الزوجات
وابقائها كعشيقة عند وجود مشكلات قضائية في دولة اجنبية
جمال البنا يجيز تبادل القبلات بين الشباب والفتيات غير المتزوجين
ولا فتوى ارضاع الكبير
يعنى الفتاوى متبادله
وكل مجتمع يعرف ايه من الفتاوى غلط بالنسباله
وايه متنفعش مجتمعه
ولو ينفع نتكلم على السعوديين بالطريقه دى
نتقبل بقه الكلام اللى بيقولوا علينا
والخلاصة علشان نكون محترمين
ومتحضرين وعلشان مطولش
اولا
اللى يكتب خبر يتاكد من انه صح ولو كتبه غلط
وعرف الصح يعترف بخطأه وميكررش تانى
ثانيا
اللى يعلق على الاخبار دى يتاكد من صحتها
وبلاش الهجوم العام على بلد بسبب
حوادث فرديه وموجوده فى كل العالم
ثالثا
لازم نفهم ونتقبل الاخر بدل مش بيتعدى
حدود الادب والاخلاق العدل
رابعا
اللى مش انت قابله من تدين زائد فى الملابس فى السعوديه
هما مش قابلينه فى انحلال اكترفى الملابس عند بعضنا فى مصر
ولو هما عندهم بلاوى فى حاجات كتير
احنا عندنا اضعاف البلاوى دى
ولو هما متخلفين
نبقى احنا كمان متخلفين اكتر منهم
خامسا
واللى زعلان على حادثة اغتصاب فى السعوديه
اضعاف الحوادث دى فى مصر
سادسا
واللى زعلان على بنت تتجوز صغيره فى السعودية
علشان حقوق المرأه
يدور على 9 مليون عانس ويقول فين حقوقهم
ويدور على بنت الشوارع اللى مش بيتجوزها راجل عجوز
بيتجوزها الف عجوز وشاب
يدور على 9 مليون عانس ويقول فين حقوقهم
ويدور على بنت الشوارع اللى مش بيتجوزها راجل عجوز
بيتجوزها الف عجوز وشاب
وده فى بلده اولى
سابعا
اللى بيته من ازاز ميحدفش الناس بالطوب
اخر حاجه
انا مش بدافع عن السعوديه
بدافع عن مصر واللى ممكن يتقال علينا ويترد علينا
لما نهاجمهم كشعب ونقول عليهم متخلفين
هيقولوا علينا....... ردوا انتم بقه
واللى ميعرفش انا اقوله
وممكن يكون للكلام بقية
سابعا
اللى بيته من ازاز ميحدفش الناس بالطوب
اخر حاجه
انا مش بدافع عن السعوديه
بدافع عن مصر واللى ممكن يتقال علينا ويترد علينا
لما نهاجمهم كشعب ونقول عليهم متخلفين
هيقولوا علينا....... ردوا انتم بقه
واللى ميعرفش انا اقوله
وممكن يكون للكلام بقية
هناك 26 تعليقًا:
عموما
ربنا يباركلك علي كل كلامك
بس كنت اتمني انك متستخدمش لفظ ذي قطة قذرة
مش عشان اي شىء
ولا عشان انا مثلا من قراءها لاني اصلا في اعتقادي ان اي مدونة انا قريت فيها بوست مش تمام
يبقه المدونة دي لا تستحق اناه تكون مدونة انا اتصفحها
لان افضل الحلول في المواقف دي هي التجاهل
عشان كده عوزة انك تقول كل اللى في نفسك
لكن دون تجريح
ودون ما نوصل ونبقه ي اي حد احنا بننقده
طبعا كلامك لا غبار عليه
وكلام اكثر من رائع
وبتفهم غيرتك الشديدة علي الصواب
وان فعلا نبص لنفسنا الاول
وان السعودية يكفي انها بلد الرسول
وانا شايفة ان الالتزام اللى في السعودية حتي لو كان مظهري وشكلي فهو اهون بكتير من الفساد اللى عندنا
علي الاقل هما بيطبقول الشريعة في الذي وفي عدم الاختلاط
وكل مجتمع ليه عيوبه وليه مميزاته
واحنا كمصر عندنا بلاوي مسيحة
اشكر ليك غيرتك علي قضايا مهمة
واشكرك ليك سعيك لانك توضح الحقايق
ومتفهمة غيرتك دي وحرقتك علي الحق
بجد اشكرك واحترمك
بس عندي نقطة
اللى يخليك تستغرب يا اخي
انك تلاقي ناس محروقة اوي من حجات بعينها
وتلاقي ان الحاجت دي تمس الاسلام بالدرجة الاولي
يعني تحس ان في ناس عندها حساسية من اي شىء فيه تمسك بالاسلام
يعني يقولولك النقاب وبلاويه
واللحية وبلاويها
وعدم الاختلاط وبللاويه
بقولك ايه
متحرققش دمك والله
عارف الاسلام بيزيد والناس بتتمسك اكتر بالحجات دي بسبب اللى بيكتبوه
يعني انا مثلا
ماما انتقبت امبارح كهدية لرسول الله في يوم مولده
وانا طولت الطرحة واستغنيت عن حجات كتير جدا من اللى كنت بعمله وكنت بعتبره عادي
ذي الشات مع زمايلي حتي لو في الحدود والاحترام
وذي اني اسمح لاني اتصل بولد حتي لو زميل محترم
او اني اتلقي مكالمة من حد ولد
الحمد الله بحاول اصلح حجات كتير
وكانت من اهم الاسباب لده
هو الحملات القوية علي النقاب والالتزام وكل ده
مش بعيد كمان افكر اتجوز واحد ملتحي لاني بقدرهم جدا
يعني بثبتلك ان الخير بيزيد برغم حقدهم
مش هتباركلي بقه
ده حصريا علي مدونتك علي فكرة
ابسط يا عم
ربنا يكرمك ويعزك
طلب صغير بقه بما اني نفعتك بتعليقين
ممكن تشيل صورة دينا الرقاصة
انا ادرك انك عاوز تثبت حاجة بالصورة دي
ونواياك خير
لكن لان في ناس نفوسها مريضة
وهتكون انت يعني ساهمت في نظرات الناس للصورة دي
وهتاخد سيئات بقفه طول ما كل واحد بصث عليها
فبلاش تاخد حسنات مع موضوعك الجميل ده
رجاء اتمني تقبله
السلام عليكم
لا حول ولا قوه الا باله
حضرتك عارف قطه هى عايزه تولعها حريقه وخلاص
هى بتستنى اى خبر صغير قد كده مش مهم صح ولا غلط وتيجى تشعلها حريقه واللى متابعينها يقلدوها ويعملوا زيها
وبعدين اصلا هى مش سايبه مصر ولا السعوديه فى حالها
حسبى الله ونعم الوكيل
مش عارفة كلام كويس والتاكد من الاخبار مطلوب احقا للحق لكن التعارض مع شخص ميسمحش ان لتانتي يشتمة او يقول الفاظ خارجه او او لازم نتعلم نقاش كان ممكن تقول لايمي معلومة الصح وهي اكيد حتعدي
دمت بالف خير
يعنى ايه مالنا و مال المجتمع السعودى ؟؟ قريت جلال أمين ؟؟
مشيت فى شوارع مصر ؟؟ عشت فى السعودية ؟؟
ده هوسك بيهم أكبر دليل أهو
و أظن الفتاوى اللى طلعتها السعودية من أول منع المرأة المنقبة من عمل فتحتين تشوف بيهم و أمرها بتغطية عينيها لحد الفتوى بقتل الميكى ماوس و اللى سمعتها بودنى و شفتها بعنيا
و بعدين لسه فى القطة ؟؟ اسمحلى يعنى يا حسام و أنت عارف أنى مش بجامل
بصراحة و أظن أنك عاوز الصراحة
ايه شغل العيال الصغيرة ده؟
عملت أنت ايه عشان تفيد غزة ؟؟ و بعدين ما تحط مجهودك ده فى حاجة تنفعك و تنفع غيرك
ح تستفيد ايه ؟؟ ده أنت مواطن فى دولة السلطة فيها كلها رأيها زى القطة و أنيل
ما تهاجم الحكام العرب طالما أنت شجاع كده
على الأأقل دول صناع القرار مش القطة
خصص صفحة تشتم ( طالما غاوى شتيمة ) فيها السياسات العربية بدل ما أنت بتهاجم شوية مدونين
اكتب عن تجربة المدونة رحاب و غيرها فى زيارة الضحايا و جمع التبرعات
و عن الدكاترة المصريين اللى دخلوا فى قلب غزة و عملوا حاجة فعلا
رحت رفح المصرية زى نوارة نجم و اللى معاها ما عمله و شفت حال الفلسطنين و المصريين ع المعبر ؟؟
اكتب عن المدونة اللى عملها جروب نوارة لمساندة الشعب الفلسطينى و صوتهم وصل لمدونين اجانب و راسلوا منظمات حقوق الانسان بخصوص القضية و حشدوا مترجمين من كل اللغات عشان يكلموا عنهم
أشفق عليك من نفسك اللى مش قادرة تخليك تشوف حاجة حلوة ( ايه كل الكراهية دى ؟ ) , كل الناس اللى قلتلك عنهم دى حلوة و دى صوت المصريين الحقيقى
لو القطة المتحدث الرسمى باسم امعة الدول ماشى
لكن أنت حتى شايف أن جامعة الدول أكثر رحمة و رفقا من القطة
ده لو دخل واحد أمريكى على مدونتك ح يقول المصريين كلهم و لاد ستين فى سبعين و الواد ده بينادى فى مالطة و هو بس اللى حاسس بالقضية الفلسطينية و هم شعب ميستاهلش التعاطف معاه ؟؟
طبعا مترضاش ده لينا الا اذا كان ده اللى أنت اللى عاوزه
وبعدين لما مفتى أندونيسى يطلع فتوى بالمشى ع الحيطة مثلا بتضرنى كمسلمة لأن لما فقيه فى دينى يخرف فى الكلام كده يخلى اللى يسوى و اللى ما يسواش ينتقد أكتر فى دينا
يا حسام اقرأ شوية لأى حد بيفهم
اقرأ لأى باحث علم اجتماع يعجبك
اقرأ لأى أستاذ انثربولوجى على ذوقك لا يمكن يقول غير أن فى تأثر واضح بالمد الوهابى ( حتى لو كان بيقبض منهم مباشرة مش ح يقدر ينكر ده )
عمرك فى حياتك شفت المرأة المصرية تخفى عينيها غير السنة دى و من كام سنة قليلين ؟؟
كانت منتقبة و على عينى و راسى
لكن هل ده شى ء أدمى أنه يمنعها من أن تمشى فى الشارع بشكل طبيعى و لازم تغطى عينيها بقماشة؟؟
تقدر أنت تعملها ؟؟
بدل ما يقول أن الراجل اللى يبص لست منتقبة نظرة مش هى
هو اللى مريض و محتاج يتعالج و أن لا لوم عليها طالما منتقبة و ماشية فى حالها
نقوم مخلينها شايفه الدنيا مغيمة و تحرمها حتى من الضوء على عينيها؟؟
و طبعا الفتوى مش طلعت فى السعودية و قعدت هناك
الفتوى زحفت لحد هنا
و بعدين أنت عارف كام مصرى بيفطروا و يصوموا مع السعودية حتى لو مش ماشيين معانا الأيام ؟؟
نفترض أن الفتاوى دى كلها غلط ( مع أنى متأكده مية فى المية من الميكى الماوس و اخفاء عينين المنتقبة)
عمل بوست ليه تدافع بيه عنهم ما كفاية التنويه اللى عملته عندى و عند ايمى و عند أمة لا اله الا الله , ح تقول لازم نلتفت للخيبة بتاعتنا
طب ما احنا " عايشين " فى الخيبة و بنكتب عنها كل يوم
لكن طالما فتوى خاصة بالدين ان شاء الله طلعت فى الصومال تبقى تخص كل مسلم
أصل ده مش قانون ضرايب خاص بك دولة
و لا هو ربنا ح يحاسب مسلم السعودية غير ما ح يحاسبك
معلش أنت بتشتغل ايه ؟؟
أو بتدرس ايه ؟؟
أصل أكيد وراك حاجة مهمة
متزعلش منى أنت بتقول أراءك عندى بصراحة و كذلك أنا
سلام
استعنا علي الشقا بالله يا حسام باشا هاجهز الطيارات و الدبابات و اجي اكسر البلوج علي دماغك
اولا عيب انك تقول القطه القذره ده مش اسلوب نقاش ولا اختلاف في الرأي مش معني اننا مختلفين او حتي في بينا عداوه نشتم بعض دي بقي لا اخلاق ولا دين ولا اي حاجه ولا ايه يا حسام باشا
اولا معتقدش ان الشيوخ السعودين فوق النقد او ان السعوديه ورد في القرآن او السنه ما يمنع نقدها سواء سياسيآ او اجتماعيآ
السعوديه دوله زي اي دوله عربيه فيها مميزات و سلبيات و من حق اي شخص انه يشيد بمميزاتها و ينقد السلبيات الي فيها
و احنا كلنا عرب يعني عيله واحده كبيره مش عيب ان سوري ينقد مصر او مصري ينقد الكويت مش هانقول كل واحد يخليه في بلده لان بالمنطق ده ماتولع بقي غزه و احنا مالنا ما الفلسطنين اولي بيها
ولا هانمشيها خيار و كوسه بقي في حاجات اه احنا شعب واحد و في حاجات تانيه كل واحد يلتزم ببلده
قطة الصحراء تقدر ترد علي الي يخصها في البوست
بس الي انا عايزه اقوله ان المغتصب بغض النظر عن دينه او جنسيته هو حيوان همجي يستاهل الشنق في ميدان عام
فضايحنا مش اكتر ولا اقل اي عيب في المجتمع السعودي من حقنا نتكلم عنه لاننا كلنا مسلمين و عرب و الهجوم علي السعوديه مش هجوم علي الاسلام لانها مش رمز الاسلام و اعتقد ان مافيش اي حاجه في الشريعه تمنع نقد اي حاكم او دوله
ابو بكر الصديق نفسه طلب من الناس انها تقومه لو حصل منه اي غلط
نيجي بقي للي يخصني انا
اولا لازم نعترف ان الثقافه في بلادا محدوده و الناس عندها ميل عاطفي لاي حد يقول قال الله و قال الرسول و اي حد مربي دقنه و بيتقال عليه شيخ
فلما يطلع كلام من مفتي السعوديه و يقول ان خطأ عدم تزويج الانثي اذا بلغت الثانيه عشر يبقي اسمه ايه
بزمتك ده مش جهل يعني انت لو عندك اخت هاتجوزها و هي عندها 12 سنه او حتي 16 اعتقد هاتقول دي لسه صغيره
12 سنه دي يعني طفله
و طبيعي ان يتم تحديد سن الزواج ب 18 سه علي الاقل و الجهل الي يقول غير كده و كلامه طبعا بينم عن جهل و عدم وعي بالمخاطر الصحيه و النفسيه و الاجتماعيه
و شفنا كام واحد مشيوا ورا الفتوه و باعوا بناتهم و هما لسه 12 و 13 سنه
هو انا في البوست بتاعي قلت ان المجتمع السعودي زباله و نجس و يستاهل الحرق
الجهل منتشر بين المشايخ بشكل عام سواء في مصر او السعوديه او المغرب العربي و مش هاننسي فتوي تحريم الزلابيه في الجزاير و ارضاع الكبير في مصر
يعني كلنا في الهوا سوا بس مش هاقول خليني في مصايب مصر
ده حتي الرسول بيقول ان المسلمين كالجسد الواحد ولا ايه يا حسام باشا
لا مؤاخذه هي ايه علاقة دينا بالبوست لو تقصد انها مثال للمرأه المصريه عندي استعداد اجيبلك مجموعهة صور و فيديهات من الي قلبك يحبها للمرأه الخليجيه و السعوديه بشكل خاص
بلاش النزعه القبليه دي من حق كل واحد ينقد و يعترض و محدش فوق النقد
سلام كبير اوي اوي اوي لساره نجاتي والله انتي حبيبة قلبي
عزيزتى
maha zein
الله يخليكى ويباركلك
وموضوع قذرة ده موصلتش اليه الا بعد وقت طويل من قراية موضوعاتها والتاكد من انها قذره بجد
ودى اقل كلمة ممكن اوصفها بيها
واكيد هى لو صاحبت فكر انا ضد بس بتعرضه بطريقه محترمه كنت مقولتش كده
ولو كانت مش بتغلط فى حاجات محترمه وغاليه مكتاش قولت كده
على العموم ده مش راى انا لوحدى
والمشكله ان الكل بيفكر انى بدافع عن السعوديه
مع انى بدافع عن مصر انى لما اجرح السعوديه بكلام
ممكن السعوديين يجرحونى باضعاف الكلام ده
ومن نفس الشئ اللى بنقد عندهم
وانا اكيد انها بلد الرسول وفيها الكعبه شئ كبير
بس لو كلامهم على بلد تانى بالطريقه دى برضوا كنت اعترضت
واكيد انا مش موافق ومعجب اوى بالمجتمع السعودى
بس اكيد برضوا اهل السعوديه اولى بمجتمعهم يغيروا فيه لو عاوزين
وكل مجتمع ليه عيوبه ومميزاته
وكل بلد فيها بلاوى بالهيله
تبدأ بنفسها احسن وتغير اللى فيها
والحوار والموضوع بس لاقرار الحق وتوضيح حاجات غايبه فى الهجوم على السعوديه
تحياتى
سلام
عزيزتى
maha zein
ما ده بينطبق على السعوديه هو الهجوم على السعوديه مش علشان اللى فيها من بلاوى
لان الناس دى مش بتابع بقيت الدول العربيه والبلاوى اللى فيها
هما بيهجموها علشان دى السعوديه بس
زى اللى بيهجوموا المتدينين من غير سبب
لانهم بلحى او نقاب حتى الحجاب بيتهاجم
وانا عارف ان كتر الهجوم بيزيد الناس تمسك
زى ما الهجوم على الاسلام فى الغرب زاد الناس اللى دخلوا الاسلام فيه
واكيد انا مقدرش اهاجم النقاب العرى اولى بقه اهاجمه واعترض عليه
كل انسان حر يختار الشئ اللى يقربه من ربه
ومش لازم انى علشان ادافع عن النقاب اكون عاوز البنات تلبسه
انا بدافع عن حرية اختياره
واكيد اى حد يعمل شئ يقربه من ربه بدل مش حرام يبقى برحته
ومش مهم انتى استغنيتى عن ايه
كل انسان يستغنى عن الشئ اللى شايفه حرام فى رائيه
بالذات لو الموضوع فيه اراء مختلفه
انا يهمنى الخطوط الحمرا اللى محدش مختلف عليها
وانتى اتجوزى اللى تحسيه محترم سواء بلحية او لا
واحنا قولنا منقدرش نحكم على حد بمظهره فقط
يمكن يدينا انطباع اولى بس
والخير عمره ما هيخلص مهما حصل فى الدنيا
والف مبروك يا ستى على كل شئ جميل بتعمليه يقربك من ربنا خالقنا
ومتشكر على الحوار خلانى اخرج حاجات كتير جوايا
نورتينى يا افندم
تحياتى
سلام
عزيزتى
maha zein
اه الصوره وصور كتير بضطر احطها
شوفى انا عارف ان الصوره غلط وبتحمل سيئات كتير
بس انا بعتمد على ان القراء للمدونات ناس عاقله والصوره دى مش هيشفوها وهما بيقروا الموضوع ده بنظرة جنسيه
لان اللى بيدور على الجنس مش هيخش هنا
ولو عاوز صور هيلاقى صور من دى مش لدينا وبس
ساعات الانسان ما يشوف ظاهر الشئ
وميخدش باله الا المقصود من الشئ ده
وربنا عارف نيتى
ويعنى ياما بنعمل غلط وحرام بحت من غير سبب
ولا هدف
نعمل الغلط والحرام كام مره على الاقل بهدف وسبب
كلامك صح
بس مش هنفذه
تحياتى
سلام
عزيزتى
ريمان
وعليكم السلام ورحمة الله وبركاته
عارف انها عاوز تولعها فى السعوديه وكل ما هو متدين فى مصر والعالم
وعارف انها تتمنى تسمع اى خبر علشان تنشره عندها
عن السعوديه والشيوخ والمتدينين
بس انا حزين على المعلقين عندها
ازاى هما مش فاهمين كده من تكرار الموضوعات
لحد ما واحد عمل حاجه لذيذه بين فيها اد ايه هى بتهاجم التدين من غير سبب
هعرضها قريب
عارف هى مش سايبه مصر ولا السعوديه ولا اى متدين فى حاله
بس اللى جننى فى الخبر ده
انى لقيت زيه فى مصر تانى يوم
وقولت اللى داخلوا يهجموا السعوديه ويقولوا على ده تخلف
طيب فى مصر اسمه ايه
والسبب فى السعوديه ولا مصر ولا النفس البشريه عموما
واهو بنحاول نكلم الناس
يمكن حد يبعد عنها ويفهم
زى ما غيرها فهم وبعد
تحياتى
سلام
عزيزتى
حررررررررررروف
ايوة التاكد من الاخبار مهم اوى
علشان فى اخبار لتتعمل بس علشان ضرب ناس وبلاد
تغير كلام وتبديل وتحوير
وانا طبعا ضد ان حد يشتم حد
بس انا لما بقول قطه قذره قولت كده بعد حاجات كتير شوفتها فى موضوعاتها
وايمى مقدرش افتح بقى معاها
لانها على الاقل بتعرض الموضوع باحترام
وبتعرض اى راى معارض ليها مش بتمنعه زى قطه
وانا حطيت لايمى الكلام اللى قاله المفتى بالضبط عندها ولفيت على الناس كلها اللى علقت وورتهلهم
والفرق بين ايمى وقطه
زى السما والارض
زى..... ولا بلاش
نورتينى
سلام
عزيزتى
سارة نجاتى
مالنا ومال المجتمع السعودى ولا عاوز الشعبين بهزقوا بعض على المدونات
انتى تقولى النقاب
يقولوا شارع الهرم
تقولى الفصل بين الرجال والنساء
يقولوا الجمع بينهم فى الخمرات
ماله جلاال امين
معشتش فى السعوديه
مشيت فى شوارع مصر
انتى قولتى الفتاوى اللى طالعه من السعوديه لاهل السعوديه واللى تعجبه من اى بلد
هو الناس مش ليها عقل تقبل وترفض
وموضوع فتوى ميكى ماوس قولتلك مش صحيحه استنى هروح اجيب اللينك
http://www.youtube.com/watch?v=BmgFQiaYEdk&eurl=http://www.copticnews.ca/a_index.htm
اهو يا ستى اللينك
انتى بتقولى فتوى دى فتوى اتاكدى بس معنى فتوى ايه قبل ما تردى على
دى فتوى بقتل ميكى ماوس
وده موضوع عن قطه بالمره يقولك ليه انا بكتب عنها وهى بتغلط فى مين وايه
http://mshmuwafk.blogspot.com/2008/10/blog-post.html
اقريه برحتك وعلى مهلك
لا برحتك ومتجمليش قولى اللى فى قلبك وجواكى
شوفى اللى بقاله مش كلام عيال واظن انا بتكلم عن واقع وحاجات صحيحه مش كذب
انتى شبفاها مش مهمه برحتك
بس انا شايفها مهمه اوى
ولو معملتش حاجه لغزه
بس معملتش حاجه تضرها ولا تهاجمها زيها
البنى ادم يا يرحم يا سيب رحمة ربنا تنزل مش يكون على البر ويهاجم اللى بيصارع الموج
واكيد انا بحاول اعمل اللى ينفعنى بقدر المتاح
ممكن يكون السلطه زى قطه بس الناس الحمد الله مش زيها اكثر الناس مش زيها حتى اللى بيدفعوا عنها مش زيها
وتفتكرى انا لما اهاجم الحكام العرب هيوصلهم صوتى يا بنتى انا بحاول اتكلم مع الناس اللى حوليا الاول وعن طريقهم بقول راى فى كل شئ
ومش معقول اعدى على الناس اللى قصادى واطير على الحكام فى ناس بتهاجمهم صوتهم اعلى منى
والمدونين اقربلى من الحكام واولى بنصحتى
على الاقل ممكن اغير فيهم احتمال
واساس المدونه دى الكلام على التدوين
ومش معقول المدونين بيحبوا يهاجموا اى حد ويعترضوا
ولما حد منهم يعارضهم ويهاجمهم يزعلوا ويقولوا لا بلاش المدونين على راسهم ريشه
ومرحتش رفح ولا حاربت مع حماس
بس بحترم اللى راحوا رفع واللى بيحربوا من حماس
خدى بالك انتى بتخرجى عن الموضوع وببتكلمى على موضوع تانى بس يلا الحوار فى اى شئ مفيد
وانا روحت مدونه نوارة وصوت من غير يا لهوى طبعا
ومين قالك انى مش شايف الحاجه الحلوة
بشوف الحاجات الحلوة هنا وفى السعوديه وفى اى مكان
وبشوف الوحش برضوا
وكل شئ بتكلم عليه بتكلم بحقيقه وكلام مؤكد
سواء على مدون او رئيس جمهوريه المهم الحقيقه
وناس فيها كتير حلوين عارف والله
وياسارة انا مش بعمل موضوعات انا برد على موضوعات وبرد علشان الحقيقه تبان بس
ولا كنتى عوزانى اخش زى غيرى وانقد الشيخ من غير ما اتاكد من كلامه
واعرف كلامه واطنش ده الصح عندك
ومين قال كده الامريكانى اللى هيخش هبلاقى اللى متفق معايا واللى معارضنى
وكمان طظ فى الامريكانى انا بكتب ليه يعنى
وكمان هو الامريكانى بيهمه انا اشوفه اواى
واما عن المفتى لو قال حاجه غلط حتى لو اندونيسى
اكيد بتضر الدين
بس الدول الاسلاميه كتيره اوى
يبقا انا لو غاوى اكتب فتواى مش هخلص
واعمل مدونه مخصوصه لكده
اما بقه اختار فتاوى ناس واسيب ناس دى المشكله وبالذات لما اكرر الهجوم على دوله معينه ومشايخهم
ويا ريت بنكتب الحقيقه والكلام بالضبط
يبقا مش القصد الدين ساعتها يبقا الدولة المقصوده
ومين قالك انى مش بقرا
وحتى لو فيه تاثر بالمد الوهابى
مع انى معرفش مذهب من الاربعه اسمه الوهابى
التاثر ده ضد الدين
يعنى بيدعوا لشرب الخمره
ولا للجنس
ممكن للتشدد فى الدين والعباده
اللى يحب كده برحته
بدب مش بيفرض على كده
ومشفتش حد كفر اللى مش مربى لحيته ولا اللى مش بتلبش النقاب
شوفتى انتى
وكل انسان حر يا سارة
هو المينى جيب لما طلع حد جه قال عمرك ومش عمرك
كل عصر وزمن فى شئ بيغلب على ناسه
والجدع والمحترم اللى يحترم اختيار اى حد
بالذات لو كان الاختيار مش ضد الدين ولا التقاليد
واللى بتغطى عينيها بقماشة بدل هى قابله كده وراضية انا مالى بقه
هى شايفه بكده بتقرب من ربنا
حد يقدر يقولك قربى لربنا على مزاجه
ولا انتى بتقربى بطريقتك
بدل مش بتعملى شئ غلط وضد الدين
والفتاوى بتروح للى يصدقها زى فتاوى جمال البنا اللى فى ناس معجبه بيه
وبيكتبوا المفكر الاسلامى عنه فى مصر
واللى يفطر على السعوديه مصر برحتوا
بيفرض عليكى تفطرى مع مين يا سارة
وفتوى الميكى ماوس حطيت لينكها
وافتكرى الفرق بين الكلام فى حوار وفتوى ولا كل كلمة لاى شيخ تعتبر فتوى فى رائيك
الرسول كان كلامه احاديث شريفه
الشيوخ كلامهم بقا فتاوى
اقولك عملت البوست ليه
لان ما انى كتبت الحقيقه مازال الكلام غلط موجود
والناس بتخش تعلق على الكلام الغلط
وعلشان نهدى شويه فى هجومنا على السعوديه وشيوخها
وبفكر الناس ببلدنا اكتر وشيوخها
وقولنا لو انسان بيكتب عن الفتاوى كلها هحترم رائيه لاكن يسيب فتوى البنا ويدور على فتوى السعودى مش البنا اولى وتخص مجتمعنا اكتر
احممممممممممم واخده بالك
وكلنا هنحاسب على اختيارنا اللى مقتنعين بيه
انا بشتغل ايه تفرق ايه
وبدرس ايه برضوا تفرق ايه
على العموم الاتنين ملهمش دعوى خالص باللى بكتبه
ورايا حاجه تقصدى ايه
عقده
بلوى
مصيبه
دعم وهابى
هربان من المعموره ولا العباسيه
ورايا يا سارة دنيا ليها نهاية
واتمنا لما تنتهى الاقى بداية حلوة فى جنة مش نار
اتمنى انا وانتى قولى يا رب
اميين
مزعلتش بس حولى تقرى كلامى واللى ورا كلامى
بهدوء
من غير ما تظنى شئ مش موجود جوايا
اسالى على اى شئ هجاوبك
نورتينى يا سارة
انا بحيكى وايمى كمان حيتك
نخش على ايمى بس بالليل
اتاخرت
سلاااااااام
عزيزتى
ايمى
عارفه انا لعتبر نفسى بجاهد معاكى
وطبعا لو موت على ايدك هتطلع فتوى تعتبرنى شهيد
يا ايمى دى مش شتيمة انا بوصف احساسى بيها وباللى بتكتبه وحاولت اختار اقل كلمة اقل من كده ملقتش
ميت قال ان شيوخ السعودية فوق النقد مفيش حد فى الدنيا فوق النقد
بس يكون نقد على كلام صح اولا
ويكون نقد بعيد عن انهم سعوديين وتخلف وهمجية
ويكون نقد لشئ يهمنا ويحصنا كمشكله مش تنقدى شئ ما يهمناش ولا يخصنا
لان سن الزواج محدد فى مصر وعاوزين يزودوه كمان
يعنى مش مشكلتنا فى الاساس واهل السعوديه اولى بمشاكلهم وايه ينفعهم
وبصراحه مش بشوف اشاده كله ضرب ضرب
انتى اشدتى بيهم قبل كده محدتش بالى ابعتى اللينك
ولو مفيش اعملى بمبدئ الاشادة والهجوم علشان احس بالموضوعيه مع السعودية
والنقد المتبادل كويس بس فى الحاجات المشتركة بينا
لاكن فى كل بلد طباع غير التانيه ولا نفرض عليهم طبعنا ولا يفرضوا علينا طبعهم
وفلسطين يا حبيبتى ليها وضع خاص
دول دولة محتلة وعليها حصار و....كملى انتى بقه
وانا ضد الكوسة والبذنجان فى كل شئ
واكيد اللى موضوع قطة غير موضوعك بس الاتنين مشتركين فى انهم لبحرضوا على تعليقات تهاجم السعوديين
بقصد دى قطة وبدوى قصد ده انتى يا افندم
واقرى التعليقات فى الموضوعين
ايوة المغتصب ده حيوان وهمجى وزباله واى حاجه وحشه
بس يعنى تفتكرى فى مصر جريمة 11 اغتصبوا سيدة
وفى السعودية 11 اغتصبوا سيدة برضوا
انا اكتب عن مين اولى اللى فى بلدى ولا السعودية
ده اللى بتكلم عليه وبقوله
واتكلم ليه على فضايح غيرى وانا بيتى مضوح
اتكلم لو فيه شئ مشترك وعام على وعليهم
لاكن اتكلم على مشكلة تخصهم ليه
متنسيش ان المجتمع البدوى والقبلى غير المصرى
ومصر جةاها مجتمع قبلى برضوا وجواه عادات زى السعودية فى الزواج والنسب وحاجات كتير
ويا حبيبتى انا عارف ان الاسلام ممنعناش ننقد اى حد فى الدنيا بس النقد لما يركز على فئه معينه او بلد معين هيعمل عداوة وتلاقى كل بلد ترد وتردح للبلد التانيه
نيجى للى يخصك هو كل ده مش بيخصك
اكيد كلنا عندنا ميل عاطفى حسب اهوائه
وبردوا بتقولى الكلام غلط
انتى مش عارفه ممكن حرف جر ولا كلمة تغير المعنى خالص
مش معقول ده الف باء الحقيقه انى مغيرش الكلام فى النقل
هو قال شوفى للمره الخمسين
******
أن يقال أنه لا يجوز تزويج من بلغت سن
الـ15 أو دونه فهذا خطأ، فالأنثى إذا تجاوزت
العاشرة من العمر أو الـ12 فهي قابلة للزواج، ومن
يعتقد أنها صغيرة فقد أخطأ وظلمها
*********
نفسر الكلمة *** احممممممم
الراجل قال ان غلط من يفكر انه لا يجوز تزويج اللى اقل من 15
وده صح دينيا لان الدين محددش سن للزواج
واقولك مفجاءه مفيش دين حدد سن الزواج فى الدنيا
ولا كتاب دينى حدد سن للزواج
وخدى بالك ده رجل دين وبيتكلم من الناحيه الدينية
ركزى فى اللى قولته واللى جاى كمان
وقال كمان ان البنت من سن 10 او 12 قابله للزواج
نفسر الكلمة دى *** مش الشعرواى عارف
ما كلامة صح فى بنت تكون من سن 8 قابله للزواج
وفيه من سن 12 وفيه 14 وفيه .....لحد 17 و18
وقابله للزواج مش معناه لازم تجوزها زى ما الخبر الكذب قال
اقولك حاجه اضافة
الدين محددش السن لاختلاف الازمنه وطبيعة الناس فى كل زمن ومن 100سنه او 200 كان عادى ان البنت تتجوز 12 و13 و14
ومن غير شيخ ما يقول
وومكنش حد بيقول عليه جريمة
احنا اللى اتغيرنا وطبيعة البنات اتغيرت
بقوا مقاريض معظمهم
مع ان فى بنات 12 بس مش اطفال
طيب اقولك حاجه بقه
ان فى السعودية فى كشف على المتزوجون رجال ونساء
عارفة لو الطب قال ان البنت دى متنفعش للزواج وده ضرر عليها الشرع يمنع زواجها
شوفتى الشرع اللى بيبيح هو برضوا اللى بيحمى
وانتى بقه على اى اساس حددتى 18 سنه
يعنى طيبيا ولا دينيا ولا مزاجيا
شوفى الموضوع مش عافيه ولما تقولى سن عوزاه يمشى على البشر كلهم يبقى فى اساس لازم تبنى كلامك عليه
وهتقولى الغرب وامريكا
دول بلاوى البنت مش بتتجوز اه فى سن 12 و13 و14
بس اساسا ممكن يكونوا مش بنات فى السن ده
وفى برنامج عارفة تالمشكلة عندهم ايه ان بنت عندها 13 تعمل علاقة
المشكلة مش فى العلاقة
المشكلة انها تكون حامل
دى المشكلة يعنى بقه مش طفلة والامور دى
وهعمل موضوع علشان بس الستات تفوق شويه
احسن بسبب جريهم ورا الغرب
بقى فيه 3 مليون عانس فوق ال35 سنه
وحياتك عندى بنتى تتجوز على 12 سنه احسن ما تفضل لحد سن 35 من غير زواج
انا شايف كده
قوليلى كام واحد مشى ورا الفتوى
اتحدى لو تعرفى
الفتوى الصح اللى الراجل ما اجبرش حد عليها
ومش فاكر تقريبا ابتدتيه بجهل وتخلف
وحتى لو انتى مقولتيش اللى بيعلقوا بيقوموا بالواجب
واساسا ولا بيقروا الفتوى ولا بيتاكدوا منها ولا اى شئ وبيخلطوا الامور فى بعض
ويا حبيبتى الجهل منتشر فى بعض الامور
بس اكيد معظم الشيوخ بيقولوا كلام كويس
بس احنا دايمن بنستنا اخطائهم وبنفسرها غلط على هوانا
روحى شوفى كلام الرجل عن الفار والميكى ماوس
خلوه فتوى وامر وكبروا الموضوع
يا حبيبتى المسلمون جسد واحد علشان نداوى بعض مش نقطع فى بعض
والمشاكل فى كل بلد تختلف عن البلد التانيه
والراجل اللى يجوز بنته اهو ولا يرميها لمين واحد يتجوزها فى الشارع
ايه اهم ودمار للبنت
وايه اهم لينا كمصريين
البنت اللى تتجوز 12 وده القانون عندنا بيمنعه
ولا البنت اللى بتترمى فى الشارع وتكون عرضه للاغتصاب من وهى غير قابله للزواج حتى
علاقة دينا ايه بالبوست
يعنى عاوز اقولك ان السعودى لو حب يقطع فينا هيلاقى حاجات كتير ممكن يتكلم عنها
ولو جبتى الف صورة من السعودية هيقولك مش ضمنك انهم سعوديات وحتى لو سعوديات دول فى الدرى بيعملوا كده
مش عندكم برخص والموضوع علنى عينى عينك
شوفتى انتى ممكن تجيبى لمصر الشتيمه ازاى
وللمصريين اللى بيشتغلوا هناك التهزيق والمعارية
وانا كلامى مش لحساب بلد على بلد
بس محبش التوجه والهجوم نحيت بلد فى مشاكل احنا عندنا اكبر منها
وساكتين عليها
نبتدى بمشاكلنا ونحلها وبنات اولى من بنات السعوديه نفكر فيهم
وسلام كبير اوى لسارة
ده حتى اسمها غالى على
وليكى برضوا يا جمر ونار وحريقة
اقرى التعليق تانى بقه واتفقى معايا فى حاجات فيه
مش معقول تعبى يبقا على الفاضى
تحياتى
سلام
حبيب قلبك
لما تخش باسمك وتكون راجل
هسيب تعليقك وارد عليه
حتى لو بتشتم
لاكن قليل الادب وجبان
مظنش تستحق اسيب تعليقك
قطة ولا خنفسة مش مهم
المهم ان عراعير بتاعتها ديه.. اللي بيقولها انصار وقاتدة التنصير في مصر
هي الاخت ملتها ايه بظبط
واللي مش عاجبه الحجاب والخيم السودة.. يمشي بالتوبليس يا جماعة عادي بقى
الله يلعن ابو الدماغ اللي مش نضيفة (علشان عيب بقى).. كل واحد عايز يتشهر يجيب مقال وقطة عاملة عليه بيبي في يوم عندها اسهال
وينزل بيه بوست وكمان .. في اخره لازم لازم يشتم المنتقبات والمحجبابات ويسبب في يجي عشرين تلاتين شيخ
ايه القرف ده بقى بجد قرررررف بجد
بقولك ايه.. ما بلاش تعملها دعاية
تجاهلها خالص والله.. ده انا مرة دخلت عندها
لاقيت كل اللي بيردوا مرتدين وانصار التنصير
ربنا يهدي الجميع .. ويهدينا
لاقيت كل اللي بيردوا مرتدين وانصار التنصير
وقله قليلة من الناس اللي بحترمها
علشان فيه ناس هناك بجد .. بحترم قلمهم
بس معرفش هناك ليه
عزيزتى
فتافيت
بجد فرحان بتعليقك
وانا بس احب اقولك معلومة
الاخت قطة بتقول انها بتشرف على التعليقات
والتعليقات اللى بتتعدى الادب مش بتنزلها
بس للاسف تلاقى عندها تعليقات متنتهى قليت الادب
شوفى انا ميهمنيش هى مليتها ايه انا يهمنى تكون صادقه وصريحه مع الناس
مش عامله نفسها بتدور على صحيح الدين
وهى عماله تضرب فى كل ما يمس الدين ومتدين
واللى شبها مش هيشتهر لان منها كتير خلاص
وشوفى انتى حسه بالقرف لازاى ووصلك اللى بحس بيه
ازاى فى ناس مش حاسه بالقرف ده وبتدافع عنها
اكيد فى غشتوة على قلبهم
وربنا بيختار من عباده اللى يستحق تتشال الغشاوه دى وبيخليها موجوده للى يستحق عقابه
وربنا ينور الجميع ويهديهم
شوفى مهما اعملها من دعاية انا بلقى ضوء على حاجات فى المدونات
واكيد كلنا لينا عقل وعقلنا هو اللى هينجدنا او يهلكنا وما على الرسول الا البلاغ
وربنا يعلم نيتى وهو اللى هيحسبنى عليها
وانا عارف مين اللى بيردوا عليها وافكارهم ايه بالضبط
وربنا يهدى منهم من يستحق الهداية
نورتينى
ومتشكر
فى ناس فاهمه كتير الحمد الله
سلاااااااااام
عزيزتى
فتافيت
اكيد الكثير عندها من اعداء الدين والتدين
والقليل منهم من المدونين المحترمين
وانا زعلان على هؤلاء المحترمين
بس اقولك
مفيش حد محترم بيواظب على دخول مدونتها
المواظبين دايمن الفئه الاولى
وكثير من التعليقات المجهوله هى اللى بتكتبها
وده شئ واضح لمن يقارن فى اسلوب التعليقات المجهولة وطريقة عرضها وموضوعتها
ربنا يكرمك على دماغك
تحياتى
سلام
ناس فايضة وتافهة بتاعة التعليقات المجهولة ديه
ده كده قلب مرض نفسي مش بس انمية دينية
المهم اني سعيد بجد بمعرفتي لمدوناتك
بجد انا دماااااااااااااااغ
عزيزتى
فتافيت
شوفى بتوع التعليقات المجهوله ليها هدف معين
بس للاسف جبناء وعايشين بوش غير اللى الناس تعرفهم بيه وعلشان كده بيعلقوا بمجهول
وطبعا الاخت قطة تعرفهم علشان كده بتنشر تعليقاتهم لان كتير بيخشوا عندها مجهوليين مش ىمعنى دول اللى بتنشر فكرهم وسبهم للدين
وطبعا برضوا اكيد الاخت قطة بتشاركهم الراى
واحنا الممنوعين رائنا الوحش
يلا كفاية التهزيق اللى بهزقهولها لما بخش عندها بحرق دمها بيه
واستعدى بقه لتعليقات مجهولة عندك قريبا
تعليقات منها مجهولة
وانا سعيد بيكى طبعا
نورتينى
سلام
عايزة اقولك اني فضلت هنا من ساعة الكومنت اللي فات لدلوقتي
اسمع الاغاني اللي عندك
فيها شويت اغاني تحفة.. وحدنية نار هادية ملعون متى اشوفك لو ليا حق.. ولا كذبك حلو
انت ايه ده بجد.. تحفففففففففففففففة
عزيزتى
فتافيت
انتى بتحرجينى بكلامك يا افندم
وبجد وحيات الغالى عندى
ان الاغانى دى بحبها وبتمس شئ فيه وبالذات لما نزلتها فى وقتها كان لشئ جوايا بتمسه
وكذبك حلو تجنن وجامده اوى
وعلشان انتى سميعه
هديكى لينك مدونتى اللى حاطط فيها كام صوره بحبها والاغانى تقريبا اللى فى المدونات
اسمعيها برحتك اى وقت
لانك هتلاقى اغانى تانى هتحبيها
http://hagatagbanyhosam.blogspot.com/
وبالذات افنية كانت روحى ..لريان
بجد بحبها اوى
نورتينى وربنا يخليكى على ذوقك
سلام
مررت بموضوعك وعجبني اسلوبك ..
احنا مسلمين .. وعرب زي بعض .. واخوان
وفعلا التصرفات الفردية لا تعكس واقع اي جماعة
والسلام عليكم
bos yabny ana sayba masr mn zaman o mesh fare2 feha 3andy 7ad aslan wana masa7tohom 3ashan la2et eno mesh leh lazma ad7'ol ma3ak f 7ewarat o elet adab 3ashan ana malesh f esloob 7ayatac dah wala 3andy wa2t fady lel hayafat deh laken 7adretac fady l el blogat o bas
ya reet ya sedy wala tegy 3andy tany wala tegeb serty wana nafs el she2 3ashan bgad ana mesh fadyalak
إرسال تعليق