يا ايها النساء أرحموا النساء...... جمعيات حقوق المرأه لضياع حقوقها والضحك عليها

يقال عن مجتمعنا الكثير عن قهر المرأه وأهانتها وأستغلالها

ويقال ايضا

عن أحترام الغرب للمرأه وتقدريهم لها

واخرها الكلام عن التحرش عندنا

والتحرش فى الغرب ...مش موضوعنا

وانا كتبت موضوعين قبل كده عن النساء وظلمهم للنساء

يا ايها النساء ارحموا النساء(البدايه)1

أيها النساء أرحموا النساء..زواج...طلاق ...ميراث....حقوق ضايعة

وعندنا جمعيات تدافع عن حقوق المرأه

وهى جمعيات بتدافع عن حقوق مستوى معين من النساء

ولا يعلمون معناة الغالبية من النساء

اللى محتاجه راجل يقف جنبها

ويكون معاها كزوج حتى لو متجوز مية

وللاسف هناك من يحاول ان يفرض قوانين لحماية النساء

وهى قوانين فى ظاهرها حماية وفى داخلها أذية لغالبية النساء

وهحاول أختصر وأختار مثلين لكلامى

يعنى مطالبة رفع سن الزواج من 16 الى 18

طيب الموضوع ده مهم اوى كده

طيب يمس كام وحدة فى مصر كام وحده بتتجوز تحت 18سنه

مهتمين اوى يرفعوا سن الزواج علشانهم

طيب عاوزين يرفعوه ليه

طيب الغرب المتحضر بيرفعه علشان هناك

البنت من وهى طفلة بتمارس الجنس

اه من وهى طفلة والمشكلة الوحيدة اللى بتقلقهم وبتزعلهم

انها ممكن تحمل وده مش فى مصلحتها

لاكن البنت تمارس الجنس مفيش مشكلة

يعنى تتزوج ظلم للمرأه وطفلة

تصيع وتمارس الجنس بدون زواج العدل ليها برضوا

وطبعا قريب قريتوا الولد البريطانى

اللى عنده 13سنه وصحبته ذات ال15 سنة

اللى حملت وفكر انه اب لهذا الطفل

وطلعت البنت مش بتمارس معاه الجنس بس مع اخرين

وطبعا اهل الولد ده والبنت دى مش شايفين مشكلة فى ممارسة الجنس

المشكلة فى الحمل

ده الغرب وحق المراه فى ممارسة الجنس

مش بتفرق معاهم السن ولا الطفولة

وانا شايف بنت تتجوز فى سن14 حتى احسن ما تعيش من غير حماية

وتضطر تبيع جسدها لانها مش لاقية حد حنبها

تتجوز فى السن ولا تعيش فى الشارع

والأخبار دى كفاية كدليل على اهانة المراه

فى الغرب من الاف الاخبار

أوروبا تدفع بنصف مليون لسوق الدعارة سنوياً

ثلث المراهقات في بريطانيا ندمت علي أول

ممارسة جنسية لها وتمنت لو أنها كانت قادرة

علي تأخيرها بضع سنوات

المراهقات في سن الثالثة عشرة من العمر تمنين

أكثر من غيرهن من المراهقات في أعمار أخري

لو أنهن أخّرن أول ممارسة جنسية لهن حتي سن السادسة عشرة

يا سيدى على احترام المرأه وطفولتها

هما بره مش بيمنعوا ممارسة الجنس

تحت 18 سنه ليه وسيبنها سداح مداح

نحش بقه فى موضوع الست اللى عاوزه

تمنع زواج الرجل باكثر من واحده

مش عارف ليه عاوزه تضيقها على الستات

طيب نحسبها لو فى 100 ست مش متزوجه فى بلد

و200 راجل فى البلد نفسها

100متزوجون و100مش متزوجون

ليه الست تضيع فرصة الاختيار بين 200

وتخلى فرصة الاختيار من 100بس

ليه تضيقها على نفسها

ما هى الست مش بتتجوز راجل متجوز غصب عنها

اكيد بتكون راضية والاسباب كتيرة

طيب ال10مليون عانس فى مصر ليه نقيدهم ونضيقها عليهم

مش يمكن 3 او 5مليون منهم معندهومش

مانع يتزوجوا من راجل متجوز

بالذات مع قلة الرجاله اللى بجد

واللى مش عاوزه مش هنغصبها برحتها

وهو الراجل مهما كان يعرف يعدد

ويتجوز اكتر من واحده

هيقدر الا بموافقة ست برضوا

والست اللى بتتكلم دى

لو كانت مطلقه ولاارمله ولا متزوجتش

مش كانت ممكن ترضى براجل متجوز لو عجبها

ويمكن هى اللى تجرى وراه وتقبل تكون التانية

بجد ستات كايرة بقوا نكبة على الستات

بس الحمد الله منظمات نسائية رفضوا الفكرة

وفى موضوع عجبنى اوى عند مدونه يا ريت تقروه

المساواه بين الرجل والمرأه

مدونة فلسفه إمراءه


ودى شوية لينكات شوفوها

عندما تُمارس المراهقات الدعارة لاقتناء "ماركات" الموضة

ثلث المراهقات البريطانيات نادمات علي ممارسة الجنس مبكرا

منظمات نسائية تعلن رفضها لمشروع قانون يحظر تعدد الزوجات

والسلام عليكم